Gulshad SAPAROVA

Gulshad Saparova Qaraqalpaq mámleketlik universitetiniń Shet tiller fakultetinde 1998–2002-jıllar aralıǵında oqıǵan. Soń 2003–2012-jılları Nókis mámleketlik pedagogikalıq institutı janındaǵı akademiyalıq liceyde inglis tili oqıtıwshısı bolıp jumıs islegen. 2010-jılı Shet tiller fakultetine Magistratura bólimine oqıwǵa kirip, onı tabıslı tamamlaydı. 2012-jıldan házirgi kúnge shekem Qaraqalpaq mámleketlik universitetiniń Shet tiller fakulteti Fakultetler aralıq shet tiller kafedrasında assistant-oqıtıwshı bolıp jumıs islep kelmekte. JAK Byulleteniniń 2022-jıl 4-sanında erkin izleniwshi sıpatında 10.00.06 – Salıstırmalı ádebiyattanıw, salıstırmalı til bilimi hám awdarmatanıw qánigeligi boyınsha “Maqtumquli asarlarining qoraqalpoqcha va inglizcha tarjimalarining qiyosiy tahlili” atamasında doktorlıq dissertaciya (PhD) jumısı tastıyıqlandı.

Házirgi kúnde 10.00.06 – Salıstırmalı ádebiyattanıw, salıstırmalı til bilimi hám awdarmatanıw qánigeligi boyınsha ilimiy basshısı professor O.Gaylieva menen birge islesip kiyatır.

2019-jılı 23-may sánesinde Shomanay rayonı 7-sanlı mektepte master-klass, seminar-trening shólkemlestiriwde qatnasıp, oqıwshı jaslardı kásipke baǵdarlaw boyınsha bir qatar ilajlardı ótkeriwde qatnasıp qayttı.

2019-jılı 17-dekabr kúni Shomanay rayonı 16-sanlı mektepte “Developing reading skills at the English lessons” atamasında master-klass, 2020-jılı 24-yanvar kúni Qońırat rayonı 55-sanlı mektepte “Developing listening skills at the English lessons” atamasında master-klass ótkerdi.

2023-jılı 28-aprel kúni Shomanay rayonı 9-sanlı mektepte “Learning tongue-twisters” atamasında master-klass ótti.

Usı oqıw jılında Ámiwdárya rayonı 70-sanlı mektepte “Types of dictations” atamasında master-klass ótti hám kafedra oqıtıwshıları menen birgelikte “Introducing people” atamasında master-klass ótkerdi.

2022-jılı  mart  ayınıń 24-sánesinde  Britaniya Kenesiniń “Aptis for Teachers” til biliw dárejesin bahalaw testine qatnasıp  C1 dárejesindegi sertifikat aldı.

 

Ilimiy jumısları:

“English for ESP students” atamasında oqıw-metodikalıq qollanbası (Nókis, 2019), “Inglisshe-russha-qaraqalpaqsha ximiya-biologiyalıq terminler sózligi”  atamasında oqıw qollanbası (Nókis, «Ilimpaz», 2021) baspadan shıqtı.

“The importance of using authentic materials in English classes”. (“Теория и практика современной науки” jurnalı, 2019, № 6(46);

“Особенности подготовки проектных работ на занятиях английского языка”. (“Теория и практика современной науки” jurnalı, 2019, № 6(46);

“Maqtımqulınıń qosıqların qaraqalpaq tiline awdarıwda I.Yusupovtıń awdarmalarınıń ózgeshelikleri”. (QMU “Xabarshısı”, 2023, №3);

“Ǵárezsizlik jıllarında Á.Ótepbergenov tárepinen Maqtımqulı qosıqlarınıń qaraqalpaq tiline awdarılıwı”. (“Humanitarian space of science: experience and prospects” konferenciyası, Ukraina, 2023);

“Ǵárezsizlik jıllarında Á.Ótepbergenov tárepinen Maqtımqulı qosıqlarınıń qaraqalpaq tiline awdarılıwı”. (“Инновационное развитие науки и образования” konferenciyası, Pavlodar, Qazaqstan, 2023);

“Peculiarities Between Translation of the Works of Maktymkuli and I.Yusupov’s Translations” (Polish Science Journal, 2024).