Sagatova Zarima Baxtiyarovna 

   Qaraqalpaq mámleketlik universiteti doktorantı, “Ingliz til bilimi” kafedrası docenti w.a., filologiya pánleri filosofiya doktorı (PhD) Sagatova Zarima Baxtiyarovnaniń erisken jetiskenlikleri haqqında maǵlıwmat.

Sagatova Zarima Baxtiyarovna 1984-jıl 6 -aprelde Qaraqalpaqstan Respublikası Shomanay rayonında oqımıslı shańaraǵında tuwılǵan.

Milleti – ózbek. 1991-2001-jıllarda Qaraqalpaqstan Respublikası Shomanay rayonındaǵı 16 -mektepte oqıǵan. 2001 jılda Ózbekstan Respublikası Jáhán tilleri universitetiniń Inglis tili fakulteti filologiya hám tillerdi oqıtıw (Inglis tili) baǵdarına oqıwǵa kirip, 2005 -jılda “Imtiyazli” diplom menen tamamlaǵan.

2005 -jılda sol universitettiń “Lingvistika” (Inglis tili) magistratura bólimine oqıwǵa kirgen hám 2007-jılda tamamlaǵan. Maǵlıwmatı joqarı.

2007-2009 –jıllarda Qaraqalpaqstan Respublikası Kegeyli rayonı 55-sanlı mektepte inglis tili muǵallimi lawazımında jumıs baslaǵan.

2009-jıldan 2022-jıllar aralıǵında Qaraqalpaq mámleketlik universiteti Shet tiller fakulteti Inglis til bilimi kafedrası assistenti lawazımında jumıs alıp barǵan.

2023-jıldan baslap Qaraqalpaq mámleketlik universitetinde 10.00.06. – Salıstırmalı adebiyattanıw, salıstırmalı til bilimi hám awdarma ilimi qánigeliginiń tayanısh doktoranturasında oqıydı hám 2024-jılı filologiya pánleri filosofiya doktorı (PhD) dárejesin alıw ushın “Inglis hám Qaraqalpaq tillerinde zoonim komponentli frazeologik birlikler: antropocentrik kóz qarasta” temasında islegen ilmiy izertlew jumısın waqtınan burın jaqlap shıǵıwǵa erisedi.

2024-jıldıń 7-oktyabrinen “Inglis til bilimi” kafedrası docenti wazıypasın atqarıwshı lawazımında islep keledi.

2025-jıldan baslap Qaraqalpaq mámleketlik universitetinde 10.00.03. – Qaraqalpaq tili qánigeliginiń doktoranturasında (DSc) oqıwın dawam etip, házirgi kúnde “Jumbaqlardıń antropocentrik salıstırmalı analizi (inglis hám qaraqalpaq jumbaqları tiykarında)” atamasında ilimiy izertlew jumısların alıp barmaqta.

Z.Sagatovanıń ilimiy izertlew nátiyjeleri Indiya, Avstriya, Amerika Qospa Shtatları, Rossiyanıń ingliz hám basqa tillerdegi abıraylı xalıq aralıq ilimiy jurnallarında, sonıń menen birge, Skopus hám impakt factor jurnallarınıń joqarı dárejeli maǵlıwmatli bazalar jurnallarında baspadan shıǵarılǵan. Atap ótiw kerek, Z.Sagatova óziniń ilimiy-izertlew jumısları nátiyjelerin universitet oqıw  procesinde keń qollanılip oqıtıwshı, pedagog alım bolıp tabıladı. Onıń “Get a handle on your reading” (Nókis, Miraziz Nukus, 2016) I, II bólimleri Inglis tili oqıtıwshıları hám talabaları ushın arnalǵan oqıw sabaqlıǵı, “English for kiddies” (Nókis, Miraziz Nukus, 2018) kishi jastaǵı balalardı oqıtıwǵa arnalǵan oqıw metodikalıq qollanbası, “Modern English Lexicology(textbook)” (Nókis, ILIMPAZ, 2022) sabaqlıǵı baspadan shıǵarılǵan.