{"id":316,"date":"2025-05-01T18:59:16","date_gmt":"2025-05-01T13:59:16","guid":{"rendered":"https:\/\/janubiyorol.uz\/?p=316"},"modified":"2025-05-01T18:59:16","modified_gmt":"2025-05-01T13:59:16","slug":"ozbekiston-kop-millatli-ahil-oila-shiori-ostida-millatlararo-totuvlik-va-dostlik-festivali-bolib-otdi","status":"publish","type":"post","link":"https:\/\/janubiyorol.uz\/uz\/316.html","title":{"rendered":"«O\u2018zbekiston – ko\u2018p millatli ahil oila» shiori ostida millatlararo totuvlik va do\u2018stlik festivali bo\u2018lib o\u2018tdi"},"content":{"rendered":"

Bugun, 15-aprel kuni Berdaq nomidagi Qoraqalpoq davlat universitetida «O\u2018zbekiston – ko\u2018p millatli ahil oila» mavzusida festival bo\u2018lib o\u2018tdi. Unda Qoraqalpog\u2018iston Respublikasi Vazirlar Kengashi Raisining o\u2018rinbosari R.Nurazizov, universitetning professor-o\u2018qituvchilari, talaba-yoshlar, shuningdek, Namangan davlat texnika universiteti, Urganch davlat universitetidan delegatsiyalar ishtirok etdi. Dastlab mehmonlar talabalar tomonidan yaratilgan milliy liboslar, hunarmandchilik namunalari, rasmlar ko\u2018rgazmalarini tomosha qildilar. Shundan so\u2018ng, «O\u2018zbekiston – ko\u2018p millatli ahil oila» mavzusida tadbir boshlandi.<\/p>\n

Tadbirni Berdaq nomidagi Qoraqalpoq davlat universiteti rektori A.Reymov ochib berdi. U o\u2018z nutqida bugungi kunda, O\u2018zbekiston o\u2018zining mustahkam tarixiy merosi, boy madaniyati va xalqaro aloqalari bilan nafaqat Markaziy Osiyoda, balki butun dunyodagi muhim madaniy va siyosiy markazlardan biriga aylanib borayotganini, «Yangi O\u2018zbekiston» degan tushuncha nafaqat mamlakatimizning yangi siyosiy tizimini, balki xalqimizning yangi do\u2018stlik va madaniyatga bo\u2018lgan munosabatini ham ifoda etishini aytib o\u2018tdi.<\/p>\n

Tadbirda Qoraqalpog\u2018iston Respublikasi Vazirlar Kengashi Raisining o\u2018rinbosari R.Nurazizov so\u2018zga chiqib, Prezidentimiz rahbarligida millatlararo totuvlikni mustahkamlash, xalqlar o\u2018rtasida o\u2018zaro hamjihatlikni ta\u2019minlash, bag\u2018rikenglik va mehr-oqibat muhitini yanada kuchaytirishga alohida e\u2019tibor qaratilayotganligini aytib, barcha tadbir ishtirokchilarini bayram bilan tabrikladi. Ushbu festival yurtimizda yashayotgan har bir millat vakilining ona yurti – O\u2018zbekiston bag\u2018rida naqadar erkin, teng va tinch hayot kechirayotganini yana bir bor namoyish etdi. Tadbirda ishtirok etgan mehmonlar, talaba-yoshlar va jamoatchilik vakillari yurtimizda 130 dan ortiq millat va elat vakillari bir oila farzandlaridek ahil-inoq yashayotganini ta\u2019kidladi. Ularning har biri o\u2018zining betakror madaniyati, urf-odat va an\u2019analari bilan yurtimizning rang-barang madaniy qiyofasiga o\u2018z hissasini qo\u2018shib kelmoqda.<\/p>\n

O\u2018zbekiston dunyodagi kam sonli davlatlardan biri bo\u2018lib, unda milliy totuvlik va diniy bag\u2018rikenglik siyosati davlat darajasida olib boriladi. Har bir millat vakilining o\u2018z ona tilida so\u2018zlashishi, ta\u2019lim olishi, madaniyatini rivojlantirishi uchun barcha imkoniyat va sharoitlar yaratib berilgan. Respublikamiz bo\u2018ylab faoliyat ko\u2018rsatayotgan yuzlab milliy madaniy markazlar, milliy teatrlar, ijodiy uyushmalar ana shunday imkoniyatlarning yorqin dalilidir. Festival doirasida milliy liboslar ko\u2018rgazmasi, sahna chiqishlari va konsert dasturlari yig\u2018ilganlar e\u2019tiboriga havola etildi. Har bir chiqish, har bir qo\u2018shiq, xalq raqslari yig\u2018ilganlarga o\u2018zgacha zavq bag\u2018ishladi.<\/p>\n

Tadbirda so\u2018zga chiqqanlar Prezidentimiz rahbarligida olib borilayotgan ochiq, xalqchil va bag\u2018rikeng siyosat natijasida mamlakatimizda millatlararo munosabatlar yangi bosqichga ko\u2018tarilganini alohida ta\u2019kidladi. Turli millatlar o\u2018rtasidagi mehr-oqibat, o\u2018zaro hurmat va hamjihatlikni mustahkamlash borasida ko\u2018plab islohotlar amalga oshirilmoqda. Bu bejiz emas. O\u2018zbekiston taraqqiyotining asosi – bu barqarorlik, tinchlik va xalqlar o\u2018rtasidagi do\u2018stlikdir. Ana shunday muhitda yashayotgan har bir inson o\u2018z salohiyatini to\u2018la ro\u2018yobga chiqarishi, kelajakka ishonch bilan qarashi mumkin.<\/p>\n

Festivalning eng qiziqarli qismi yoshlar ishtirokida bo\u2018lib o\u2018tdi. Talabalar o\u2018zlari ijro qilgan sahna ko\u2018rinishlarida do\u2018stlik, tinchlik, hamjihatlik kabi ezgu g\u2018oyalarni targ\u2018ib etib, yurtimiz ravnaqiga xizmat qilishga tayyor ekanliklarini namoyish etishdi. Albatta, bunday tadbirlar nafaqat yoshlar qalbida millatlararo totuvlik, vatanparvarlik va insonparvarlik tuyg\u2018ularini mustahkamlash, balki O\u2018zbekistonning xalqaro maydondagi ijobiy qiyofasini shakllantirishda ham muhim o\u2018rin tutadi.<\/p>\n