Sapayeva Feruza Davlatovna
Sapayeva Feruza Davlatovna 1977-jılı Qaraqalpaqstan Respublikasınıń Tórtkúl rayonında zıyalılar shańaraǵında tuwılǵan. Milleti ózbek. Maǵlıwmatı – joqarı. 1999-jılı Berdaq atındaǵı Qaraqalpaq mámleketlik universitetiniń Filologiya fakultetin tabıslı tamamlaǵan, qánigeligi filolog, ózbek tili hám ádebiyatı páni oqıtıwshısı. Professor, filologiya ilimleri boyınsha filosofiya doktorı (PhD).
F.D.Sapayevanıń pedagoglıq is tájiriybesi 26 jıl. Ol miynet jolın Beruniy rayonındaǵı 13-sanlı ulıwma bilim beriw mektebinde ózbek tili hám ádebiyatı páni muǵallimi sıpatında baslaǵan. 2000-jıldan Beruniy qurılıs hám kommunal xojalıǵı kásip-óner kolledjinde ózbek tili hám ádebiyatı páni oqıtıwshısı wazıypasında islegen. 2005-jıl 2-sentyabrden Ájiniyaz atındaǵı Nókis mámleketlik pedagogikalıq institutı Ózbek tili hám ádebiyatı kafedrasında assistent oqıtıwshı, 2017-jıl 4-sentyabrden Ózbek ádebiyatı kafedrasında aǵa oqıtıwshı, 2019-jıl 1-aprelden Ózbek ádebiyatı kafedrası docenti wazıypasın atqarıwshı, 2020-jıl 30-iyun sánesinen Ózbek ádebiyatı kafedrası docenti, 2024-jıl 6-aprelden Ózbek ádebiyatı kafedrası professorı wazıypasında jumıs alıp barmaqta.
Házirgi kúnde F.D.Sapayeva Túrkiy tiller fakulteti Keńesiniń aǵzası, Túrkiy tiller fakulteti ilimiy isler boyınsha dekan orınbasarı sıpatında belsendi hám talapshań, birneshe ruwxıy-aǵartıwshılıq ilajlar, ilimiy-ádebiy diskussiyalıq dógerek sáwbetleri, ilimiy-metodikalıq seminar-treninglerdi fakultet hám institut kóleminde shólkemlestiriwde jankúyer shólkemlestiriwshi. Sonday-aq, fakultet Jámiyetshilik Keńesi baslıǵınıń orınbasarı sıpatında da intaker. Ol izleniwsheń, jańalıqqa umtılıwshı hám maman qánige sıpatında jankúyer ustaz, ózine júklengen tapsırmalardı juwapkershilik penen orınlaytuǵın, hárbir jumısqa juwapkershilik sezimi menen jantasatuǵın, óz kásibiniń sheberi. Ustaz sıpatında tálim-tárbiya jumısların shólkemlestiriw, studentler menen nátiyjeli jumıs alıp barıw arqalı abıray-mártebege iye boldı. Sabaqların studentlerdiń dárejesine, qızıǵıwshılıqlarına sáykes shólkemlestiriwge, lekciyaların bayıtıp barıwǵa, oqıtıwdıń jańa usılların engiziwge umtıladı. Atap aytqanda, oqıw-tárbiya jumısların shólkemlestiriwde zamanagóy usıl hám jańa pedagogikalıq texnologiyalardan paydalanadı. Ol institut, fakultet hám kafedranıń shólkemlestiriwshilik-metodikalıq tarawındaǵı jumıslarında, sonday-aq Respublikalıq hám Xalıqaralıq ilimiy-teoriyalıq konferenciyalarda belsene qatnasadı.
Ol 2017-jıl may ayında NMPI kóleminde ótkerilgen “Joqarı oqıw ornınıń eń jaqsı pedagogı” tańlawınıń “Eń jaqsı izertlewshi-pedagog” nominaciyası boyınsha sıylı 2-orındı alıp, adminstraciya tárepinen arnawlı sertifikat penen sıylıqlandı.
Sonday-aq, ol 2021-jılı ulıwma respublikalıq kólemde shólkemlestirilgen “Joqarı oqıw ornınıń eń jaqsı pedagogı” tańlawınıń jeńimpazı boldı.
2007-jıl sentyabr ayında ÓzMU janındaǵı Joqarı pedagogika institutında “Ózbek ádebiyatı” kursı boyınsha, 2008-jıl aprel-may aylarında Qaraqalpaq mámleketlik universiteti janındaǵı qánigeligin arttırıw orayında “Pedagogikalıq sheberlik hám mádeniyat” kursı boyınsha, 2012-jıl oktyabr-noyabr aylarında ÓzMU janındaǵı Joqarı pedagogika institutında “Ózbek tili hám ádebiyatı” kursı boyınsha, 2017-jıl mart-aprel aylarında Áliysher Nawayı atındaǵı Tashkent mámleketlik ózbek tili hám ádebiyatı universiteti janındaǵı pedagog kadrlardı qayta tayarlaw hám olardıń mamanlıǵın arttırıw orayında “Filologiya hám tillerdi oqıtıw” kursı boyınsha qánigeligin arttırdı. 2020-jıl aprel-may aylarında da (aralıqtan onlayn oqıw kursında alternativ tıńlawshı sıpatında) Áliysher Nawayı atındaǵı Tashkent mámleketlik ózbek tili hám ádebiyatı universiteti janındaǵı pedagog kadrlardı qayta tayarlaw hám olardıń mamanlıǵın arttırıw orayında 36 saatqa mólsherlengen “Ózbek filologiyası: ózbek ádebiyatı” kursı boyınsha mamanlıǵın arttırıp, óziniń ilimiy jumısı boyınsha 2020-jıl 19-may sánesinde (zoom konferenciyası arqalı) tabıslı prezentaciyanı ámelge asırdı. Sonday-aq, F.D.Sapayeva 2023-jıl noyabr ayında Áliysher Nawayı atındaǵı Tashkent mámleketlik ózbek tili hám ádebiyatı universiteti janındaǵı pedagog kadrlardı qayta tayarlaw hám olardıń mamanlıǵın arttırıw orayında “Ózbek filologiyası: ózbek ádebiyattanıwı” kursı boyınsha da tabıslı tájiriybesin arttırdı.
Túrk, rus hám nemis tillerin biledi.
F.D.Sapayeva sońǵı úsh jıl ishinde 3 oqıw qollanba, 2 monografiya, sonnan 1 sırt elde (Germaniya) 1 sózlik qollanba (kitap), 39 (jámi 129) ilimiy maqala hám tezisler engizdi. 2021-2023-jılları dissertaciya teması boyınsha Respublikalıq hám sırt el baspasózlerinde 10 nan aslam, sonıń ishinde, AQSh, Germaniya, Hindstan, Ukraina, Ispaniya mámleketlerinde ilimiy maqala hám tezisleri járiyalanǵan.
F.Sapayeva institut professor-oqıtıwshıları hám studentleri arasında abıraylı, kishipeyil, tuwrı sózli, kásipleslerine biyǵárez járdem beredi, óziniń erkin pikirlerine iye. Ol Respublika hám institut kólemindegi siyasiy, tárbiyalıq, ruwxıy-aǵartıwshılıq hám jámiyetlik jumıslarda belsene qatnasadı. 2021-2023-oqıw jılınıń ózinde respublikamız bilimlendiriw mákemelerinde “Sheberlik mektebi” seminarlarında ashıq sabaqlar shólkemlestiriwge eristi.
Sonday-aq, xalıqaralıq birge islesiwdi kúsheytiw boyınsha joqarı reytingke iye sırt el joqarı oqıw orınları menen islep, 2023-jıl 15-aprel kúni Túrkiya Respublikası Ankara universiteti Til hám tariyx-geografiya fakulteti Tuwısqan Túrk dialektleri hám ádebiyatları bólimi studentleri hám professor-oqıtıwshıları ushın “Maqtımqulı shıǵarmaları awdarmalarınıń salıstırmalı analizi” temasında (onlayn) seminar shólkemlestirdi.
Joybarlar sheńberinde tómendegi ilimiy nátiyjelerdi alıwǵa eristi:
Respublika hám sırt ellerde basıp shıǵarılǵan ilimiy maqala hám monografiyaları, kóplegen awdarma teoriyası hám ádebiyattanıwdıń áhmiyetli máselelerine baǵıshlanǵan ilimiy-izertlew jumısları, atap aytqanda, “Awdarmashılıq: tekst hám sheberlik” oqıw qollanbası (Tashkent. 10 b.t.), “Maqtımqulı shıǵarmaları awdarmalarınıń salıstırmalı analizi” monografiyası (Tashkent. 10.b.t.) Ózbekstan Respublikası Ilimler akademiyası Qaraqalpaqstan bólimi Qaraqalpaq gumanitar ilimiy-izertlew institutında ámelge asırılǵan FA-F-1-005 «Qaraqalpaq folklorı hám ádebiyattanıw tariyxın izertlew» (2017-2020) fundamental izertlew joybarın jaratıwda áhmiyetli teoriyalıq hám ámeliy dárek sıpatında paydalanıldı.
Ózbekstan Respublikası Ilimler akademiyası Abu Rayxan Beruniy atındaǵı Shıǵıstanıw institutınıń qoljazbalar fondında saqlanıp atırǵan Maqtımqulı qosıqların óz ishine alǵan segiz qoljazba boyınsha ilimiy baqlawlardan, sonıń ishinde, 3380-1 sanlı qoljazbaǵa Maqtımqulınıń bir júz jigirma toǵız qosıǵı, 5341-111 sanlı qoljazbaǵa otız altı, 35-sanlı qoljazbaǵa eki júz otız bes, 1667-sanlı qoljazbaǵa júz, 2626-sanlı qoljazbaǵa bolsa júzge shamalas qosıǵı bar ekenligi hám qoljazbalardıń ózine tán tekstlik ózgeshelikleri haqqındaǵı nátiyjeler menen IZ-2020102832 sanlı “Evropa fondlarında saqlanıp atırǵan, Ózbekstanda joq túrkiy qoljazbalardıń maǵlıwmatlar bazasın hám “Evroturcologica.uz” elektron platformasın jaratıw” atamasındaǵı innovaciyalıq joybardı ámelge asırıw procesinde ilimiy izertlew jumısları nátiyjelerinen paydalanıldı.
F.D.Sapayeva ǵárezsiz Ózbekstanımızdıń jankúyer perzenti bolıp, mámleketimiz keleshegi jaslardıń qolında ekenligin, onıń keleshegi ushın tınımsız izleniw, miynet etiw kerekligin bárqulla júrekten sezinip jasaydı. Onıń ilimiy izertlewleri, potencialı, alǵa qoyǵan ideyaları jámiyettiń rawajlanıwı ushın múnásip xızmet etedi. Ilimde jańalıq jaratıw, izleniw, mashaqattan qashpaw, alǵa barıw – onıń iygilikli maqseti.
Sapayeva Feruza Davlatovna izleniwsheń, óz jumısına bárqulla juwapkershilik penen jantasatuǵın, talapshań bolıwı menen birge joqarı mádeniyatlı insanıy pazıyletlerge iye shaxs esaplanadı.
Shańaraqlı, 2 perzenttiń anası.
Ilimde jańalıq jaratıw, izleniw, mashaqattan qashpaw, alǵa barıw – ullı maqseti.
Úy adresi:
Qaraqalpaqstan Respublikası. Nókis qalası. “Aydın jol” MPJ. Áwmetli kóshesi, 9-jay.
Úy telefonı: 224-52-31,
uyalı telefonı: (+99897) 355-05-03.
E-mail: feruzasapayeva86@gmail.com