Xalliyeva Gulnoz Iskandarovna
Filologiya fanlari doktori, professor
Xalliyeva Gulnoz Iskandarovna 1974-yil Xorazm viloyatining Urganch shahrida tugʻilgan. 1996-yil Urganch davlat universitetining oʻzbek filologiyasi fakultetini tamomlagan. Filologiya fanlari nomzodi (2000), dotsent (2006), filologiya fanlari doktori (2016), professor (2020). Mehnat faoliyatini 1996-yildan Urganch davlat universitetining oʻzbek mumtoz adabiyoti kafedrasida boshlagan.
2014-yildan Oʻzbekiston davlat jahon tillari universiteti “Jahon adabiyoti” kafedrasida dotsent lavozimida oʻz faoliyatini davom ettirib, 2016-yil 8-iyulda 10.00.06 – Qiyosiy adabiyotshunoslik, chogʻishtirma tilshunoslik va tarjimashunoslik ixtisosligi boʻyicha “XX asr rus sharqshunosligida oʻzbek mumtoz adabiyoti tadqiqi” mavzusidagi doktorlik dissertatsiyasini muddatidan ilgari himoya qilgan. Hozirda mazkur universitetning “Jahon adabiyoti” kafedrasi mudiri lavozimida faoliyat yuritib kelmoqda. Dunyo sharqshunosligida oʻzbek mumtoz adabiyoti, turkologik ilmiy tadqiqotlar, turkiy qoʻlyozmalar, qiyosiy adabiyotshunoslik, adabiy aloqalar kabi ilmiy yoʻnalishlarda tadqiqotlar olib boradi. Ilmiy izlanishlari yuzasidan jami 258 ta ilmiy ish: 5 ta monografiya, 8 ta oʻquv qoʻllanma, darslik va ilmiy maqolalari chop qilingan. Kitoblari oʻzbek, rus, ingliz va turk tillarida nashr qilingan.
2009-yilda Oʻzbekiston aloqa va axborotlashtirish agentligining faxriy yorligʻi bilan taqdirlangan, hozirda bosh vazirimiz Abdulla Nigmatovich Aripov topshirganlar. 2021-yilda “Yevropa fondlarida saqlanayotgan, Oʻzbekistonda mavjud boʻlmagan turkiy qoʻlyozmalarning maʼlumotlar bazasini va “Yevroturcologica.uz” elektron platformasini yaratish” loyihasi gʻolibi boʻlgani uchun, innovatsion rivojlanish vaziri Abdurahmonov Ibrohim Yoʻlchiyevich tomonidan loyiha sertifikati bilan taqdirlangan. Gulnoz Xalliyeva ilmiy-texnik davlat dasturlar doirasidagi grant tanlovlarida doimiy qatnashib kelmoqda.
“Yevropa fondlarida saqlanayotgan, Oʻzbekistonda mavjud boʻlmagan turkiy qoʻlyozmalarning maʼlumotlar bazasini va “Yevroturcologica.uz” elektron platformasini yaratish” innovatsion loyihasi doirasida 17 ta Yevropa va Rossiya davlatida xizmat safarida boʻlib, Oʻzbekistonda mavjud boʻlmagan 119 ta qoʻlyozmani topishga, ulardan baʼzilarini hozirgi yozuvimizda nashr qilishga muvaffaq boʻlgan.
Ushbu loyiha rejasi asosida Yevropaning Germaniya, Fransiya, Italiya, Vatikan, Shveysariya, Gollandiya, Shvetsiya, Chexoslavakiya, Polsha, Finlyandiya, Latviya, Litva, Estoniya, Daniya, Lyuksemburg, Belgiya, Avstriya turkologiya boʻlimlari va markazlarida ilmiy ishlarini olib borgan. Berlin, Drezden, Leypsig, Myunxen, Parij, Bern, Praga, Vena, Xelsinki, Lyuksemburg, Rim, Vatikan shaharlarining dunyoga mashhur kutubxonalarida Oʻzbekistonda mavjud boʻlmagan adabiyot, til, falsafa,tasavvuf, tarix fanlariga oid eng noyob turkiy qoʻlyozmalarni oʻrgangan.
Hozirda “Qiyosiy adabiyotshunoslik” fanining “Komparativistika” elektron platformasi yaratish nomli innovatsion loyihasining rahbari sifatida ilmiy ishlarini davom ettirmoqda. Loyiha rejasi doirasida oʻzbek, rus, ingliz va turk tillarida kitoblari nashr etilgan. “Qiyosiy adabiyotshunoslik” fanining “Komparativistika” elektron platformasi yaratish loyihasi asosida va universitetlararo professor almashinuvi doirasida 2023-yildan buyon Turkiyaning Marmara, Seljuk, Koch, Anqara universitetlari talabalariga maʼruza oʻqib kelmoqda.
Gulnoz Xalliyeva 2024-yilda MDH davlatlarida yagona boʻlgan “Komparativistika” jurnaliga asos soldi. Jurnalning shu bugungacha 2 ta soni nashr qilindi. Ushbu jurnalda 10. 00.06–Qiyosiy adabiyotshunoslik, chogʻishtirma tilshunoslik va tarjimashunoslik yoʻnalishidagi barcha dolzarb maqolalar nashr qilinadi.
Professor Gulnoz Xalliyeva 2014-yildan buyon “Jahon adabiyoti” kafedrasini boshqarib kelmoqda. Kafedra dunyoning Peter Szondi Institute of Comparative Literature, Freie Universität Berlin, Leibniz-Zentrum für Literatur und Kulturforschung (ZfL) kabi qiyosiy adabiyotshunoslik markazlari (Germaniya,Berlin), University of Toronto Centre for Comparative Literature(Kanada,Toronto). Yale University Department of Comparative Literature (AQSH, Yel universiteti), Eskişehir Osmangazi Üniversitesi Karşılaştırmalı Edebiyat Bölümü (Turkiya, Osmangozi universiteti va boshqa universitetlari) Harvard University Department of Comparative Literature (AQSH), Indiana University Comparative Literature Department, Columbia University Department of English and Comparative Literature(AQSH), University of Washington Department of Comparative Literature (Vashington),Xelsinki universiteti, Gumbolt universiteti kabi universitetlar bilan akademik hamkorlik oʻrnatgan boʻlib, har yili xalqaro anjumanlarda ishtirok etmoqda, maruzalar oʻqimoqda, tajriba almashib, ilgʻor gʻoyalarni yurtimizga tatbiq etib kelmoqda.
2024-yil 7-8 mayda Gulnoz Xalliyeva tashabbusi bilan “Jahon adabiyoti” kafedrasi tomonidan “Jahon adabiyoti va qiyosiy adabiyotshunoslikning dolzarb masalalari” mavzusida xalqaro anjuman oʻtkazildi. Ushbu anjumanda dunyoning turli davlatlaridan olimlar qatnashdi. Professor Gulnoz Xalliyeva Oʻzbekiston davlat jahon tillari universitetining ilmiy pedagogik kadrlarini tayyorlashda, maʼnaviy-maʼrifiy tadbirlarda, dissertatsiya himoyalarida, mahalliy va xalqaro grant loyihalari tanlovlarida faol qatnashib kelmoqda. Olimaning ilmiy pedagogik faoliyati universitet rahbariyati tomonidan doimiy eʼtirof etib kelinmoqda. Universitet rektori Ilxomjon Madaminovich barcha professor oʻqituvchilarga imkon qadar yaxshi sharoitlar yaratib bermoqdalar, oʻz professional malakasini oshirishda moddiy va maʼnaviy jihatdan qoʻllab quvvatlamoqdalar.
ИЛМИЙ ИШЛАРИ. XX россия шарқшунослиги ва ўзбек мумтоз адабиёти. Монография. «Муҳаррир нашриёти» нашриёти –Тошкент, 2018; Санкт–Петербург ва Тошкент фондларидаги Хоразм туркий-адабий манбалари. (ҳаммуаллифлика: М.Эшмуҳаммедова, Н.Адамбаева) Илмий рисола. «Муҳаррир» нашриёти –Тошкент, 2018; Огаҳий мусамматлари. Монография .«Мумтоз суз» нашриёти. –Тошкент, 2019; Архивные данные о подготовке к 500–летию Алишера Навои (довоенные годы). Архива востоковедов ИВР РАН «Эхо веков» Казань.2014 .– № 2; О неизданной статье Е. Э. Бертельса по изучению творчества Алишера Навои (на основе архивных данных Института восточных рукописей РАН). Молодой ученый. –Пермь 2014.-Том.I; О рукописе «Хорезмнаме» и об история изучения в России начало xx века. Проблемы востоковедения –УФА 2014.-№ 2; Тюркская литература в российском востоковедении XX века. Германия. Saarbrucken.- 2014; Studying of the Uzbek classical literature in the Russian literary criticism of the XX century. Young Scientist USA. Vol.2.2015; Uzbek Classical Literature in Russian Science. Global Journal of Advanced Research. − India, 2015. Vol-2, Issue-11; Компаративистические исследования российских востоковедов XX века. Ўзбекистонда хорижий тиллар, 2016; Studying of the Uzbek Classical Literature in the Russian Literary Criticism of the XX Century. Young Scientist.− USA, 2016. Vol. 2; Studying of Аlisher Navoi in the _ussian oriental studies of the XX century. IJHEPS: International Research Journal of Humanities, Engineering, Pharmaceutical Sciences. −Delhi, 2016. Vol-1/ Issue -11/ Year-5 / January / 2016; Санкт-Петербург кутубхоналаридаги туркий-адабий манбалар хусусида. Тил ва адабиёт таълими. 2017. №7; Хоразм туркий-адабий манбалари талқинида ижтимоий-адабий синкретизм. Сўз санъати.Халкаро журнал. Тошкент. 2018. № 2; Тюркские этюды в российском востоко-ведении XX века. Филология масалалари. Тошкент. №2. 2018; «Лейли и Меджнун» в интерпретации Е.Э.Бертельса. Имагология и компаративистика. SCOPUS, 2018. №1; Россия фондларидаги туркий-адабий қўлёзмалар. Мерос. Тошкент. 2019; Литературно -эстетические взгяды в эпистолярных источниках. Филология масалалари. Тошкент. №2. 2019; Среднеазиатско-тюркская поэзия в русском литературоведении первой половины XX века. XLIII международная филологическая научная конференция. Санкт Петербург, 2014; Шарқ цивилизацияси ва Хоразм адабий манбалари. Республика анжумани. Маъмун академияси. Хива, 2001, сентябр; «Хорезмнаме» — тюркская лирическая поэма конца XIX века. «Славянские и тюркские языки» Республика анжумани УзДЖТУ. Тошкент, 2019.